Fréttir af Reitum og af lífinu í fasteignunum

Ferðamálastofa, Eyþing, Vaðlaheiðargöng og Markaðsstofa Norðurlands eru nýir leigutakar í gamla Kea húsinu að Hafnarstræti 91 á Akureyri. Þessir aðilar munu undirita yfirlýsingu um græna leigu fimmtudaginn 5. júní kl. 15:30 í Hafnarstræti 91.

Kringlan bar sigur úr býtum í flokknum „nýr auglýsingamiðill“ fyrir árið 2013 hjá Alþjóðlegum samtökum verslunarmiðstöðva, ICSC, fyrir appið Kringlukröss, en þau voru afhent við hátíðlega athöfn í Amsterdam 15. maí sl.

Creditinfo og Reitir hafa gert nýjan langtíma leigusamning um húsnæði í Höfðabakka 9. Creditinfo hafa verið með aðsetur á 7. hæð en munu nú flytjast á 3. hæð í sama húsi.

Reitir hafa fest kaup á 2.819 fermetra húsnæði að Klettagörðum 6 í Reykjavík.

Aðalfundur Reita fasteignafélags hf. fyrir rekstrarárið 2013 var haldinn á Hotel Hilton Reykjavík Nordica 30. apríl 2014.

Grænni leigu Reita hefur verið gífurlega vel tekið. Nú þegar hafa tugir viðskiptavina gengið skrefið til fulls og lokið við að færa rekstur húsnæðis síns í grænan búning.

Í byrjun maí n.k. opnar nýr Sbarro veitingastaður á annarri hæð í Lækjargötu 2a, „Iðu húsinu“. Nýi staðurinn í Lækjargötunni verður sá þriðji á Íslandi, en Sbarro og Reitir eiga nú þegar í leigusambandi á Stjörnutorgi í Kringlunni.

Rekstrarhagnaður Reita var 5.869 milljónir árið 2013. Rekstrarafkoma Reita fasteignafélags hf. árið 2013 fyrir fjármagnsliði og matsbreytingu fjárfestingareigna var í takti við áætlanir. Nýting fasteigna félagsins, mæld sem hlutfall tekna, var um 96% í árslok 2013.

Mímir - símenntun og Reitir fasteignafélag hafa gert grænan leigusamning um húsnæði fyrir starfsemi skólans í Höfðabakka 9. Húsnæðið er um 1750 fermetrar og verður endurinnréttað til að uppfylla kröfur starfsfólks og nemenda um nútímalega, vistvæna og hagnýta vinnuaðstöðu. Framkvæmdir eru þegar hafnar og er gert ráð fyrir að þeim ljúki 1. ágúst.

Reitir fasteignafélag hefur frá upphafi stutt dyggilega við bakið á UNICEF á Íslandi en samtökin fagna nú í mars 2014 tíu ára afmæli sínu. Í heilan áratug hafa Reitir veitt UNICEF á Íslandi aðstoð sem aftur hefur gert samtökunum auðveldara fyrir að halda úti öflugri starfsemi.

Fjallað var um fyrirhugaða skráningu Reita í Kauphöll í Viðskiptablaðinu fimmtudaginn 17. janúar 2013.

Nýverið voru settir sögu­skýringarplattar á nokkur hús í miðbænum. Reitir fasteignafélag vann verkefnið í samvinnu við Minjavernd og Minjasafn Reykjavíkur.

Þann 1.des s.l. opnaði ný verslun á þriðju hæð Kringlunnar. Verslunin heitir Morrow og er þar sem Blend var áður.