Fyrirmyndarfyrirtæki í góðum stjórnarháttum í 10 ár
Reitir hafa hlotið viðurkenningu sem fyrirmyndarfyrirtæki í stjórnarháttum árlega síðan 2015 og markar þetta því 10. árið í röð sem félagið hlýtur þessa viðurkenningu.
Viðurkenningin sem veitt er af Stjórnvísi, Viðskiptaráði Íslands, Samtökum atvinnulífsins og Nasdaq Iceland er mikilvægt framtak í eftirfylgni með stjórnarháttum fyrirtækja og stuðlar að uppbyggilegum umræðum og þróun í þeim efnum. Guðni Aðalsteinsson, forstjóri Reita, var viðstaddur við glæsilega afhöfn þann 22. ágúst 2025 ásamt Láru Hilmarsdóttur, samskiptastjóra félagsins, til þess að taka á móti viðurkenningunni fyrir hönd félagsins.
Árangur félagsins að hafa hlotið þessa viðurkenningu samfleytt í áratug er til marks um áherslu Reita á vanaða og faglega stjórnarhætti.
Viðurkenningin er veitt á grundvelli úttektar á stjórnarháttum félagsins og tekur hún mið af leiðbeiningum um góða stjórnarhætti útgefnum af Viðskiptaráði Íslands, Samtökum atvinnulífsins og Nasdaq á Íslandi. Stjórnvísi er umsjónaraðili viðurkenningarinnar.
