Mikil eftirspurn eftir skuldabréfum Reita

Alls bárust tilboð að nafnverði 9.200 m.kr. Ákveðið var að taka tilboðum að nafnverði 2.300 m.kr. á ávöxtunarkröfunni 4,0%. Ekki hafa áður verið gefin út bréf í flokknum. 

Skuldabréfaflokkurinn, REITIR150534, er verðtryggður og veðtryggður með almenna tryggingafyrirkomulagi félagsins. Flokkurinn er með lokagjalddaga 15. maí 2034 en endurgreiðsluferli höfuðstóls fylgir 30 ára greiðsluferli með jöfnum afborgunum fram til lokagjalddaga, þegar allar eftirstöðvar greiðast í einni greiðslu. Greiðslur vaxta og afborgana höfuðstóls fara fram á tveggja mánaða fresti.