Til baka

Reitir auglýsa eftir yfirlögfræðingi

27 maí 2025

Reitir leita að öflugum og reynslumiklum einstaklingi í starf yfirlögfræðings og regluvarðar. Sigurlaug Helga Pétursdóttir sem hefur sinnt starfi yfirlögfræðings og regluvarðar hefur óskað eftir að láta af störfum og mun hverfa til annarra starfa í haust. Henni eru færðar kærar þakkir fyrir framlag sitt til Reita.

Starf yfirlögfræðings laust til umsóknar

Starf yfirlögfræðings felur í sér ábyrgð á lögfræðilegum málefnum félagsins, stjórnarháttum skráðs hlutafélags og regluvörslu. Starfið heyrir undir forstjóra og felur í sér náið samstarf við stjórn, framkvæmdastjórn og önnur svið félagsins.

Um er að ræða krefjandi og fjölbreytt hlutverk fyrir einstakling með sterka yfirsýn og fagmennsku að leiðarljósi, sem getur tryggt trausta umgjörð um lagaleg verkefni og stuðlað að áframhaldandi vexti og velgengni félagsins.

Umsóknarfrestur er til og með 13. júní 2025.

Nánari upplýsingar um starfið veitir Hlynur Atli Magnússon hjá Hagvangi (hlynur@hagvangur.is).

 

Reitir kveðja Sigurlaugu með þökkum

Sigurlaug Helga Pétursdóttir hóf störf hjá Reitum árið 2014 sem lögfræðingur og undanfarið hefur hún sinnt starfi yfirlögfræðings og regluvarðar. Hún hefur sinnt mikilvægu hlutverki við þróun og vöxt félagsins undanfarin ár. Sigurlaug mun starfa hjá félaginu út ágúst áður en hún hverfur til starfa á öðrum starfsvettvangi.

Reitir þakka Sigurlaugu kærlega fyrir verðmætt framlag til félagsins síðustu ár og óska henni heilla á nýjum starfsvettvangi.

Fleiri fréttir

Drangar opna verslunarkjarna í húsnæði Reita á Korputúni

Reitir hf. og Drangar hf. undirrituðu í dag leigusamning um 5.500 fermetra verslunarrými á Korputúni. Drangar munu opna þar öflugan verslunarkjarna og starfrækja verslanir á borð við Nettó, Lyfjaval, Kjötkompaní og Brauð og Co., auk þess sem kynntar verða til leiks glænýjar verslanir á Íslandi sem Drangar munu reka og bjóða meðal annars upp á snyrtivörur, ritföng og heimilisvörur. 

Reitir áforma uppbyggingu hjúkrunarheimilis á Akureyri

Tilboð Reita í uppbyggingu nýs hjúkrunarheimilis á Akureyri hefur verið valið hagstæðast af Framkvæmdasýslunni – Ríkiseignum í útboði sem lauk nýlega. Hjúkrunarheimilið verður byggt upp við Þursaholt 6, verður um 9.100 fermetrar að stærð og mun rúma 140 íbúa.

Reitir og Hjallastefnan í samstarf um leik- og grunnskóla í lífsgæðakjarna við Nauthólsveg

Reitir og Hjallastefnan hafa undirritað viljayfirlýsingu um samstarf um þróun og uppbyggingu á nýjum leik- og grunnskóla í lífsgæðakjarna við Nauthólsveg sem rís á vegum Reita. Hjallastefnan mun flytja skólastarf sitt í Reykjavík fyrir um 400 börn á leikskólaaldri og í 1.-7. bekk grunnskóla í umhverfisvæna leik- og grunnskólabyggingu í lífsgæðakjarnanum.