Til baka

Reitir fjárfesta fyrir 2,3 ma.kr. á Kársnesi

24 september 2024

Um er að ræða samtals um 5.300 fm iðnaðarhúsnæði við Vesturvör og verslunarrými við Hafnarbraut.

Reitir hafa undirritað samkomulag um kaup á iðnaðarhúsnæði við Vesturvör 32b og tveim verslunarrýmum að Hafnarbraut 13b og 15c í Kópavogi. Fasteignirnar eru um 5.300 fm að stærð og hýsa fjölbreyttan rekstur 8 leigutaka, m.a. Luxor, S. Helgason, BRIKK og Brasserie Kársnes.

Heildarvirði kaupanna er 2,3 ma.kr. sem verður að fullu fjármagnað með handbæru fé og lánsfé. Leigutekjur á ársgrunni nema tæplega 177 m.kr. og leiða kaupin  til þess að áætlaður rekstrarhagnaður (NOI) Reita hækkar um 140 m.kr. á ársgrundvelli. Meðallengd núverandi leigusamninga er rúmlega 4,5 ár.

Áætlað er að afhending fasteignanna muni fara fram 1. nóvember 2024 þegar fyrirvörum um viðskiptin hefur verið aflétt en fyrirvarar eru gerðir um niðurstöður hefðbundinna áreiðanleikakannana og samþykki stjórnar Reita fasteignafélags hf. fyrir kaupunum.

Fleiri fréttir

Reitir kynna tillögu að nýju skipulagi fyrir Spöngina

Tillagan gerir ráð fyrir þróun á verslunar- og þjónustukjarna sem styrkir Spöngina sem lifandi og öfluga hverfismiðju, uppbyggingu íbúða af ólíkri stærð sem henta íbúum á ólíkum æviskeiðum og grænum almenningssvæðum.

Taktíkin er sigurvegari Torgsins 2026

Átta lið skipuð nemendum úr Háskólanum í Reykjavík tóku þátt í Torginu, árlegri hugmyndasamkeppni Reita og HR, sem haldin var í annað sinn dagana 7. til 10. október. Liðið Taktíkin, skipað þeim Berglindi Hrönn Úlfarsdóttur og Brynhildi Lilju Kristjánsdóttur lögfræðinemum og Matthíasi Jens Ármanni og Eiði Áka Arnarsyni hagfræðinemum, bar sigur úr býtum og tók við verðlaunum í Sólinni laugardaginn 10. október.

Reitir frysta leiguverð allra leigutaka til áramóta

Reitir hafa ákveðið að frysta leiguverð allra leigusamninga tímabundið í þrjá mánuði frá og með október.