Skuldbinding um aðgerðir loftlagsmálum

Reitir ásamt rúmlega 100 öðrum fyrirtækjum og stofnunum hafa undirritað yfirlýsingu um aðgerðir í loftslagsmálum. Í því felst skuldbinding um minnkuð loftslagsáhrif og minni losun úrgangs.
Skuldbinding um aðgerðir loftlagsmálum

Undirritun yfirlýsingarinnar er enn eitt skref Reita í átt að vistvænni starfsháttum en félagði bauð fyrst upp á græna leigusamninga árið 2013 þar sem áhersla er lögð á notkun umhverfisvottaðra byggingarefna og rekstrarvara. Annað skref var tekið árið 2015 þegar bensínbílum var skipt út fyrir rafmagnsbíla. 

Reykjavíkurborg ásamt Festu, miðstöð um samfélagslega ábyrgð fyrirtækja, stóðu fyrir samstarfinu. Fyrirtækin 103 sem komu að undirskriftinni eru af ýmsum toga. Stór sem lítil, framleiðslufyrirtæki, þjónustufyrirtæki, ríkisstofnanir og háskólar. Það sem sameinaði þau er viljinn til að gera umbætur á samfélaginu. Samanlagður starfsfjöldi þeirra er um 43 þúsund manns, og í háskólunum sem taka þátt eru samtals rúmlega 30 þúsund nemendur. Á heimasíðu Festu, miðstöðvar um samfélagslega ábyrgð fyrirtækja, má sjá lista yfir þau fyrirtæki og stofnanir sem tóku þátt. 


Fleiri sögur