Dalshraun 1

Falleg skrifstofurými laus til afhendingar í Dalshrauni 1. Rýmin eru annarsvegar á 1. hæð í austurenda hússins og á 3. hæð í vesturenda. 

Rýmið á þriðju hæð er með fallegu útsýni yfir óbyggt svæði í átt að Álftanesi, fallegu parketi á gólfi, vönduðum innréttingum og flísum sem eru eins og húsið að utan. Léttir glerveggir aðskilja rýmin og hleypa birtu í gegnum rýmið. Rýmið skiptist í nokkrar skrifstofur og fundarherbergi. Stærri rýmin er hægt að nýta fyrir margar vinnustöðvar. Einnig er möguleiki á að skapa opin vinnurými. 

Rýmið á fyrstu hæð er með góðu aðgengi. Rýmið er dúklagt og skiptist í opið rými og skrifstofur. Góð kaffistofa er í rýminu. Glerveggir hleypa góðri birtu í gegnum rýmið.

Í samskonar húsi við hliðina, Dalshrauni 3, er einnig til leigu 644 fm skrifstofurými á jarðhæð. Nýleg vönduð skrifstofa. Sjá hér.

Bílakjallari er undir húsinu og gott aðgengi er að húsinu þar sem það stendur við fjölfarnar umferðaræðar.

Halldór Jensson, sölustjóri, veitir allar nánari upplýsingar í 840 2100 eða halldor@reitir.is.