Aðalstræti 2 (Vesturgata)

Til leigu 223 fermetra skrifstofuhæð á þriðju og efstu hæð. Hæðin er að hluta til með mikilli lofthæð og fallegum bitum í lofti, hún skiptist í opið vinnurými, þrjú fundarherbergi/skrifstofur með glerveggjum, eldhús og salerni. Lyfta opnast beint inn í rýmið. 

Í rýminu er fallegt tréverk, hefðbundin gólfborð og klassískir gluggar.  Reitir geta aðlagað húsnæðið að nýrri starfsemi, fært milliveggi o.þ.h., að því marki sem sjónarmið um húsvernd leyfa. Húsið var vandlega endurnýjað af Minjavernd í samræmi við nútíma kröfur en upprunalegt frá þar síðustu aldamótum. 

Skoða húsnæði í 3D

Nánari upplýsingar veitir Halldór Jensson, sölustjóri, í síma 840 2100 eða í netfanginu halldor@reitir.is.

Aðalstræti 2 ásamt bakhúsi sem vísar að Vesturgötu nefnast einu nafni, Ingólfsnaust því að á þessum stað herma sagnir að Ingólfur Arnarson, fyrsti landnámsmaður Íslands, hafi dregið skip sín í naust og voru tóttir naustsins enn sýnilegar á 18. öld. Núverandi framhús, sem snýr að Aðalstræti, er reist árið 1855, en bakhúsin sem voru pakkhús kaupmannsins eru að mestum hluta reist árið 1905. Þá voru húsin í eigu fyrirtækisins H. P. Duus sem rak mikla verslun og skútuútgerð í Reykjavík. Húsin voru gerð upp í samræmi við upphaflega gerð þeirra á árunum 1999 til 2003 og þau tengd með tengibyggingu úr gleri.