Aðalstræti 2

200 til 668 fm skrifstofu og/eða verslunar-/þjónustuhúsnæði í sögufrægum húsum á horni Aðalstrætis og Vesturgötu. Húsin voru vandlega endurnýjuð um aldamótin og þau tengd saman með glerbyggingu og lyftu komið í fyrir. Húsið Aðalstrætismegin er til leigu, þar er annarsvegar laust verslunarrými á 1. hæð og hinsvegar skrifstofurými á 2. hæð og í risi. Einnig er laus til leigu 2. hæð í húsinu sem snýr að Vesturgötu, í því húsi eru veitingastaðir bæði á 1. hæð og í kjallara. 

Húsið sem snýr að Aðalstræti er 468 fm en hægt að leigja í tvennu lagi.

• 1. hæð hússins (götuhæð) er um 200 fm verslunarrými er með stórum gluggum auk sérrýmis á yfirbyggða torginu. Falleg loft með mörgum perustæðum. Gólfborð. Ef rýmið er leigt með efri hæðum er hægt að nýta fallegan stiga í horni hússins. Einnig er aðgengi upp um annan stiga og lyftu í sameign. 
• 2. og 3. hæð er samals um 265 fm, á 2. hæð er um 205 fm skrifstofurými með nokkrum skrifstofum/fundarherbergjum auk opins rýmis. Þar á meðal er sérafnotarými undir glerhýsinu sem fylgir þessu rými og aðskilið um 37 fm skrifstofu- eða fundarherbergi með aðgengi frá sameigninni/glerhúsinu. Risið er um 63 fm með kaffistofu og vinnu-/fundarrými. Þriðja hæð er einungis aðgengileg gegnum stigahús hússins (ekki glerhúsið) og leigist því með 2. hæð.

Í húsinu sem snýr að Vesturgötu er til leigu:

• 2. hæð er skrifstofurými um 209 fm. Tveir inngangar eru í rýmið, bæði gegnum stigahús Vesturgötumegin eða gegnum tengibyggingu þar sem er bæði stigi og lyfta. 

Í öllum rýmum er fallegt tréverk, bitar í loftum þar sem það á við, hefðbundin gólfborð og klassískir gluggar. Reitir geta aðlagað húsnæðið að nýrri starfsemi, fært milliveggi o.þ.h., að því marki sem sjónarmið um húsvernd leyfa. Húsin voru vandlega endurgerð af Minjavernd í samræmi við nútíma kröfur en upprunalegt útlit húsanna frá árunum 1855 og 1905. Afhending er samkvæmt samkomulagi. Vsk húsnæði.

Nánari upplýsingar veitir Halldór Jensson, sölustjóri, í síma 840 2100 eða í netfanginu halldor@reitir.is.

Aðalstræti 2 ásamt bakhúsi sem vísar að Vesturgötu nefnast einum stað Ingólfsnaust því að á þessum stað herma sagnir að Ingólfur Arnarson, fyrsti landnámsmaður Íslands, hafi dregið skip sín í naust og voru tóttir naustsins enn sýnilegar á 18. öld. Núverandi framhús, sem snýr að Aðalstræti, er reist árið 1855, en bakhúsin sem voru pakkhús kaupmannsins eru að mestum hluta reist árið 1905. Þá voru húsin í eigu fyrirtækisins H. P. Duus sem rak mikla verslun og skútuútgerð í Reykjavík. Húsin voru gerð upp í samræmi við upphaflega gerð þeirra á árunum 1999 til 2003 og þau tengd með tengibyggingu úr gleri.