Barónsstígur

Á horni Barónsstígs og hverfisgötu vilja Reitir og meðeigendur lóðarréttinda upphefja gamla Barónsfjósið, skapa nýtt torg, byggja íbúðarhúsnæði og stækka hótel sem fyrir er á lóðinni.  

Barónsstígur

Reitir eru eigendur Barónsfjóssins svokallaða við Barónsstíg 4 en þar er nú rekin matvöruverslun. Fjósið, sem var byggt 1899 af frönskum barón, var fyrsta steinsteypuhús Reykjavíkur.

Talsverðir þróunarmöguleikar eru á lóðinni Barónsstíg 2-4, áætlað byggingarmagn er um 5.300 fermetrar. Hugmyndir lóðarhafa, Reita ásamt Íslandshótelum rekstraraðila Fosshótels Barón sem einnig stendur á lóðinni, ganga út á að upphefja Barónsfjósið og koma þar fyrir veitingastað í bland við verslun og þjónustu með aðgengi út á opið torg við hlið hússins ásamt 16 íbúðum og 100 hótelherbergjum.

Barónsreitur - massamódel

Skipu­lags- og sam­gönguráð Reykja­vík­ur hef­ur samþykkt að vísa til borg­ar­ráðs til­lögu Teikni­stofu arki­tekta um breyt­ing­ar á deili­skipu­lagi Baróns­stígs vegna lóðarinnar við Baróns­stíg 2-4. Búið er að auglýsa deiliskipulagstillöguna og bíður hún samþykkis borgarráðs.

 

Tegund: íbúðir/hótel
Byggingarmagn: 5.300 m2
Umfang: 16 íbúðir / 100 hótelherbergi
Staða: Deiliskipulagsbreyting bíður samþykkis
   

Staðsetning eignar

Aðrir Þróunarreitir