Ný World Class stöð í Kringlunni

Reitir og rekstraraðilar World Class hafa undirritað samning um nýja World Class stöð í Kringlunni. Í nýju stöðinni verður fullútbúinn tækjasalur, infrared heitur salur, hjólasalur og fjölnota salur. Þá verða vandaðir búningsklefar og útisvæði með heitum og köldum pottum.

Nýja stöðin verður í mjög aðgengilegu rými við inngang á 2. hæð, í rými sem nú hýsir leikfangaverslun.

Tekin hafa verið markviss skref til að auka heilsutengda þjónustau í Kringlunni, Sjúkraþjálfun Íslands opnaði undir árslok 2019 og nýja World Class stöðin kemur til með að auka þetta þjónustuframboð enn frekar.