Fjölskylduhjálp Íslands veitir Reitum viðurkenningu

Fjölskylduhjálp Íslands veitti Reitum sérstaka viðurkenningu fyrir framlag sitt til starfseminnar á árinu 2014. Forseti Íslands, Ólafur Ragnar Grímsson, veitti viðurkenninguna í Ráðhúsi Reykjavíkur á dögunum. Verðlaunin eru veitt þeim fyrirtækjum sem þykja hafa skarað fram úr á sviði manngæsku og mannúðar og hafa stutt Fjölskylduhjálp Íslands dyggilega á árinu.

Reitir afhentu fjölskylduhjálpinni húsnæði í Iðufelli 14 þann 22. febrúar 2013 og hefur húsnæðið síðan þá hýst aðal starfsstöð samtakanna.  Í Iðufelli halda samtökin úti matargjöfum, fatamarkaði og hársnyrtiþjónustu fyrir fólk í neyð með stuðningi fjölda fyrirtækja.

Reitir leggja ríka áherslu á ábyrgð í samfélagsmálum. Stuðningur við Fjölskylduhjálpina fellur því afar vel að stefnu Reita. Reitir þakka fjölskylduhjálpinni fyrir viðurkenninguna og fyrir gefandi samstarf.