Lindex flytur á einn stað í Kringlunni

Ný Lindex verður 700 fermetrar. Click and Collect sem hefur verið á Laugavegi flytur einnig í Kringluna.
Lindex flytur á einn stað í Kringlunni

Forráðamenn Lindex á Íslandi hafa ákveðið að sameina rekstur þriggja verslana á einn stað í Kringlunni þar sem nú er rekin Lindex dömu- og undirfataverslun.  Samningur þess efnis hefur verið undirritaður af hálfu Reita og forráðamanna Lindex.  Breytingin gerir viðskiptavinum Kringlunnar kleift að njóta allrar vörulínu Lindex á einum stað samhliða því að geta sótt vörur sem verslaðar eru á lindex.is samdægurs.

Verslunin, sem staðsett er í aðalgangi Kringlunnar, verður tæplega 700m2 eftir breytingar og sú stærsta hér á landi. Boðið verður upp á heildarvörulínu Lindex og verður verslunin við lok framkvæmda flaggskipsverslun fyrirtækisins hér á landi.   

Hvítt og bjart útlit mun einkenna nýju flaggskipsverslunina
Hvítt og bjart útlit mun einkenna nýju flaggskipsverslunina

Í fyrsta áfanga verður verslun og þjónusta sem þekkt er undir nafninu Click and Collect og starfrækt hefur verið á Laugavegi 7 og gerir fólki kleift að nálgast vörur, sem verslaðar eru á netinu, samdægurs flutt í Kringluna.

Click&Collect Lindex. Afhending á pöntuðum vörum er samdægurs virka daga.
Click&Collect Lindex. Afhending á pöntuðum vörum er samdægurs virka daga.

Annar áfangi opnar um mitt næsta ár, 2020 þegar framkvæmdum lýkur við stækkun Kringlunnar aftan við rýmið sem nú hýsir dömu- og undirfataverslun Lindex.  Við þá breytingu mun Kids verslun Lindex í Kringlunni flytja á einn og sama stað.

Samhliða þessum breytingum verður versluninni á Laugavegi lokað og gildir það frá deginum í dag, 26. mars 2019.

 „Við erum gríðarlega ánægð með að geta tekið þetta skref þar sem við höfum leitað leiða til að koma öllum okkar frábæru vörum á einn stað í Kringlunni.  Jafnframt því erum við spennt að geta boðið Click&Collect þjónustuna núna með þeim þægindum sem fylgir því góða aðgengi sem er að Kringlunni.   Staðsetningin gerir okkur kleift að bjóða upp á tískuupplifun á heimsmælikvarða.“ segir Lóa D. Kristjánsdóttir, umboðsaðili Lindex á Íslandi

Ný og björt hönnun

Nýja verslunin í Kringlunni verður prýdd nýrri innréttingahönnun Lindex sem leit dagsins ljós við opnun verslunarinnar í London. Hönnunin byggir á björtum litum með ólíkum litbrigðum hvítra lita í bland við svart og við sem gefur versluninni skandínavískt yfirbragð.  Verslunin mun því veita viðskiptavinum innblástur og einstaklega hlýlegar móttökur.

„Við erum mjög glöð með samninginn sem nú hefur verið undirritaður og teljum að það felist í því mikil viðurkenning fyrir Kringluna að Lindex velji hana fyrir sína flaggskipsverslun.  Kringlan er afar vel staðsett miðsvæðis á höfuðborgarsvæðinu og hefur skipað veglegan sess í verslun Íslendinga í gegnum árin.  Við teljum einnig að það að færa Click&Collect Lindex hingað muni styrkja Kringluna í þeirri stafrænu stefnu sem við höfum innleitt og vinnum nú að.” segir Sigurjón Örn Þórsson, frkv.stj. Kringlunnar.

Mátunarklefar Lindex breytast mikið með nýrri innréttingahönnun
Mátunarklefarnir í nýju flaggskipsversluninni koma til með að endurspegla betur skandinavískar rætur Lindex.
Bjart í bland við viðarliti kemur til með að ramma inn verslunarupplifun í Lindex í Kringlunni
Bjarir litir í bland við ljósan við kemur til með að skapa góða verslunarupplifun í Lindex í Kringlunni

Samfélagsleg ábyrgð

Lindex leggur mikla áherslu á samfélagslega ábyrgð og virðingu fyrir því hvernig varan er framleidd þ.e. umhverfinu og manneskjunni sem framleiðir vöruna sem endurspeglast í stöðugt auknu framboði vara framleiddum úr lífrænni bómull. Fyrirtækið hefur einsett sér að 80% af framleiðslunni verði framleitt með sjálfbærum og umhverfisvænum hætti á næsta ári.  Einnig hefur Lindex stuðlað að endurnýtingu fatnaðar með því að bjóða viðskiptavinum inneign gegn því að skila til verslunarinnar notuðum fatnaði.  Að auki má geta í þessu samhengi að Lindex á Íslandi hefur verið stór styrktaraðili Krabbameinsfélags Íslands og Unicef á Íslandi í gegnum árin.  

100% ungbarnafatnaðar Lindex er framleiddur með lífrænni bómull
100% ungbarnafatnaðar Lindex er framleiddur með lífrænni bómull

 

Nánari upplýsingar um Lindex má finna á www.lindex.is