Græn leiga í gamla KEA húsinu á Akureyri

Hafnarstræti 91,
Hafnarstræti 91, "KEA húsið"
Ferðamálastofa, Eyþing, Vaðlaheiðargöng og Markaðsstofa Norðurlands eru nýir leigutakar í gamla Kea húsinu að Hafnarstræti 91 á Akureyri. Þessir aðilar munu undirita yfirlýsingu um græna leigu fimmtudaginn 5. júní kl. 15:30 í Hafnarstræti 91.

Ferðamálastofa, Eyþing, Markaðsstofa Norðurlands og Vaðlaheiðargöng eru nýir leigutakar í gamla KEA húsinu að Hafnarstræti 91 á Akureyri. Þessir aðilar munu undirrita yfirlýsingu um græna leigu fimmtudaginn 5. júní kl. 15:30 í Hafnarstræti 91. 

Græn leiga er samstarf Reita og viðskiptavinar um að starfrækja húsnæði með vistvænum hætti. Húsnæðið verður þá skilgreint sem Grænn Reitur. Grænir leigusamningar hafa færst í vöxt erlendis með vaxandi áherslu á umhverfismál. Græn leiga tekur m.a. til endurvinnslu og sorpmála, innkaupa á rekstrar- og byggingarvörum og notkunar rafmagns og hitaveitu.

Húsnæðið, sem er nýuppgert, hýsti áður skrifstofur Kaupfélags Eyfirðinga. Við endurnýjun þess var leitast við að nýta sem mest af þeim byggingarefnum sem voru heil en við val á nýjum efnum var leitast við að gera vellíðan starfsfólks hátt undir höfði m.a. með umhverfisvænum teppum sem bæta hljóðvist og draga úr ryki í lofti.

Vistvænar áherslur fyrirtækjanna felast m.a. í því að allt sorp er flokkað og lögð áhersla á að halda pappírsnotkun í lágmarki. Fyrirtækin hvetja til vistvæns og heilsusamlegs ferðamáta þar sem hjólastandar eru við húsið auk sturtuaðstöðu fyrir starfsmenn. Reitir hafa markað stefnu um að vera leiðandi í mótun umhverfisvitundar í íslensku atvinnulífi. Reitir hafa mikla reynslu í vistvænum fasteignarekstri og er markmið grænna leigusamninga að miðla þeirri reynslu til viðskiptavina og hvetja þá til að gera vistvænar breytingar í rekstri húsnæðis til hagsbóta fyrir þá og fyrir umhverfið.

Reitir leggja áherslu á að varðveita þann menningarauð sem felst í eldri byggingum, þar fara áherslur Reita, Ferðamálastofu, Eyþings, Vaðlaheiðarganga, Menningarráðs Eyþings og Markaðsstofu Norðurlands saman. Samhliða endurnýjun fjórðu hæðarinnar var sett lyfta í húsið og gamlar myndir frá Akureyri hengdar í stigagang.

Nánari upplýsingar: