8 fasteignir bætast í safn Reita

Hótel Borg, húsnæði Nýherja við Borgartún 37, húsnæði Advania við Guðrúnartún 10, Laugavegur 77, Fiskislóð 11, Skúlagata 17, Síðumúli 16-18 og Faxafen 5 eru þær eignir sem bættust í safn Reita þann 1. apríl.
8 fasteignir bætast í safn Reita

Í dag, 1. apríl 2016, bættust 8 fasteignir í eignasafn Reita.  Þær eru Hótel Borg, húsnæði Nýherja við Borgartún 37, húsnæði Advania við Guðrúnartún 10, Laugavegur 77, Fiskislóð 11, Skúlagata 17, Síðumúli 16-18 og Faxafen 5. Um er að ræða fasteignir sem telja samtals um 34.000 fermetra. Við hlökkum til samstarfsins með fyrirtækjunum í þessum húsum.

Við undirritun Kaupa Reita á fasteignafélögum í rekstri Stefnis 1. apríl 2016
Myndin var tekin við undirritun samninga þann 1. apríl 2016. Frá vinstri, Pétur Richter, frá Arion banka, ráðgjafa Reita í viðskiptunum; Ragnheiður Margrét Ólafsdóttir, hrl., regluvörður Reita; Arna Grímsdóttir, hdl., framkvæmdastjóri lögfræðisviðs Reita; Þórhallur Hinriksson, sjóðstjóri hjá Stefni hf.; Einar Þorsteinsson, fjármálastjóri Reita; Guðjón Auðunsson, forstóri Reita; Flóki Halldórsson, framkvæmdastjóri Stefnis hf.; Höskuldur Eiríksson, hdl. frá BBA Legal, ráðgjafi seljanda í viðskiptunum; Ármann Andri Einarsson, frá Arion banka, ráðgjafa Reita; Bjarni Aðalgeirsson, hdl., f.h. Borgarinnar okkar ehf. sem var seljandi hluta Hótel Borgar.

Tilkynning Reita til Kauphallar var eftirfarandi:

REITIR: Yfirtaka fasteignafélaga í rekstri Stefnis hefur farið fram

Með vísan til fyrri tilkynninga um kaup Reita á fasteignafélögum í rekstri Stefnis hf. tilkynnist hér með að yfirtaka umræddra félaga hefur farið fram í dag. Um er að ræða fasteignir sem telja samtals um 34.000 fermetra og eru þær Hótel Borg, Borgartún 37, Guðrúnartún 10, Laugavegur 77, Fiskislóð 11, Skúlagata 17, Síðumúli 16-18 og Faxafen 5. Fyrirhuguð kaup á Þingvallastræti 23 á Akureyri gengu ekki eftir þar sem forkaupsréttur að eigninni var nýttur af forkaupsréttarhafa.

Heildarvirði kaupanna er því samtals um 16.220 m.kr. Leigutekjur á ársgrunni nema um 1.215 m.kr. og leiða kaupin til þess að áætlaður rekstrarhagnaður (NOI) Reita hækkar um 1.000 m.kr. á ársgrundvelli.

Nánari upplýsingar veita Guðjón Auðunsson, forstjóri, í síma 660 3320 eða Einar Þorsteinsson, fjármálastjóri, í síma 669-4416.