Rúmfatalagerinn hefur opnað á Fitjum

Ný um 900 fermetra Rúmfatalagersverslun opnaði í maí í verslunarkjarnanum við Fitjar í Reykjanesbæ.
Rúmfatalagerinn hefur opnað á Fitjum

Verslun Rúmfatalagersins að Fitjum er sú fyrsta á Íslandi sem byggir á nýju útliti frá JYSK, en þar er notast við ný hillukerfi og uppstillingar sem gefa nýjan og ferskan blæ á vel þekkt verslunarrými Rúmfatalagersins, viðskiptavinum til hagsbóta og hægðarauka, segir í tilkynningu frá Rúmfatalagernum.

Við erum afskaplega ánægð að geta boðið íbúum Reykjanesbæjar í heimsókn til okkar í nýtt og skemmtilegt verslunarumhverfi.  Verslunin er hönnuð með þægindi og notagildi fyrir viðskiptavini í huga og það gleður okkur að verslunin að Fitjum sé sú fyrsta í þessu nýja útliti. Þá bjóðum við nýtt starfsfólk Rúmfatalagersins velkomið til starfa,“ segir Björn Ingi Vilhjálmsson, framkvæmdastjóri Rúmfatalagersins.

Reitir bjóða Rúmfatalagerinn velkominn til starfa að Fitjum.