Kúmen opnar í Kringlunni innan skamms

Tilkynnt hefur verið að nýja veitinga- og afþreyingarsvæðið sem opnar bráðlega í Kringlunni hafi fengið nafnið Kúmen. Á svæðinu verða m.a. 17 veitingastaðir, nýtt ævintýraland og endurnýjað Kringlubíó með nýjum lúxussal.
Kúmen opnar í Kringlunni innan skamms

Gestir Kringlunnar hafa vafalaust tekið eftir miklum framkvæmdum sem eru í gangi á 3ju hæð hússins. Breytingarnar, sem hófust fyrir 2 árum, miða að því að leggja alla hæðina undir afþreyingu, mat og skemmtun fyrir börn og fullorðna.

Svæðið, sem er alls um 7 þúsund fermetrar, fær lengdan opnunartíma en mun að sjálfsögðu áfram þjóna gestum á opnunartíma verslana. Nóg er af bílastæðum, ekki síst eftir að verslunarrýmið lokar seinni partinn. Þá gefur lengri opnun á hæðinni kvöldgestum sem eru á leið í leikhús eða bíó, fjölbreyttan valkost í mat og drykk fyrir sýningar. 

Fjölmiðlar hafa sýnt verkefninu mikinn áhuga eins og sjá má á eftirfarandi fréttum:

>> Kúmen í stað Stjörnutorgs Viðtal mbl.is við Guðjón Auðunsson, forstjóra Reita.

>> Einn flottasti lúxussalur landsins rís úr þaki Kringlunnar Viðtal við Sigurjón Örn Þórsson, framkvæmdastjóra Kringlunnar sem birt var á visir.is .

>> Stjörnutorg verður að Kúmen Myndband með viðtali við Paolo Gianfrancesco arkitekt á visir.is.

>> Þriðja hæðin endurbætt fyrir milljarð Umfjöllun og viðtal við Sigurjón Örn Þórsson, framkvæmdastjóra Kringlunnar.