Fjárfest í nýjungum á þriðju hæð Kringlunnar

Þriðja hæð Kringlunnar verður endurskipulögð með nýjum afþreyingarmöguleikum fyrir börn og fullorðna. Svæðið fær lengdan opnunartíma en mun enn þjóna gestum Kringlunnar á opnunartíma verslana.
Fjárfest í nýjungum á þriðju hæð Kringlunnar

Ákveðið hefur verið að endurskipuleggja og breyta þriðju hæð Kringlunnar þannig að hún verði sem nýr áfangastaður fyrir fjölskyldur, pör og vinahópa. Framkvæmdir  hefjast innan tíðar en á hæðinni verður boðið upp á skemmtilega og fjölbreytta nýbreytni í afþreyingu og veitingum. Flestir munu geta fundið eitthvað við sitt hæfi í hlýlegu og notalegu umhverfi. Nýir afþreyingarmöguleikar, sem verða kynntir á næstunni, munu koma til viðbótar við Sambíóin og Borgarleikhúsið og auka þannig mannlíf á svæðinu og fjölbreytileika þess. Ævintýralandið fær yfirhalningu og verður enn eftirsóknarverðara fyrir yngsta hópinn. 

Þriðja hæðin mun eftir endurskipulagningu hafa sitt eigið aðdráttarafl með lengdan opnunartíma en svæðið mun þó áfram þjóna gestum Kringlunnar á opnunartíma verslana. 

Endurbætur á þriðju hæð Kringlunnar - Kringlutorg

Nú þegar má sjá breytingar á suðurenda Kringlunnar enda hefur þjónusta sem opin er lengur eflst á svæðinu. World Class opnaði nýverið og þjónustuver Kringlunnar, þar sem sækja má netpantanir úr verslunum utan opnunartíma, eru innan svæðisins. Innan skamms opnar nýr veitingastaður, Finnsson Bistro, á svæðinu.

Endurbætur á þriðju hæð Kringlunnar - Kringlutorg

Það er því til mikils að hlakka þegar þriðja hæðin verður komin á nýtt stig og tilbúin til að taka á móti þér og þínum með nýbreytni í veitingum og afþreyingu.

Endurbætur á þriðju hæð Kringlunnar - Kringlutorg