Reitir fögnuðu þrítugsafmæli árið 2017. Reksturinn gekk vel, árið var viðburðaríkt og skipulag samstæðu Reita fasteignafélags var lagað að nýjum áherslum. Fjöldi nýrra leigusamninga var gerður auk margvíslegra endurnýjana og viðauka. Horft var til spennandi framtíðarverkefna með lóðakaupum og kynnt voru úrslit í samkeppni um metnaðarfulla framtíðaruppbyggingu á Kringlureitnum og við Laugaveg.
Ársskýrsla Reita 2017
Árangursríkur rekstur á 30 ára afmælisári Reita
Reitir fasteignafélag er stærsta fasteignafélag landsins í útleigu atvinnuhúsnæðis. Á árinu 2017 fagnaði félagið 30 ára starfsemi, á þessum tíma höfum við byggt upp traust viðskiptasambönd með fjölda farsælla fyrirtækja og stofnana.
|
Tekjur 10.781 millj. kr. |
Rekstrarhagnaður 7.301 millj. kr. |
Hagnaður 5.671 millj. kr. |
Fjárfestingareignir 135.002 millj. kr. |
Viðburðaríkt ár 2017
-
Hótel Grímur opnað í Grímsbæ
Á hótelinu eru 20 herbergi, þ. á m. fjölskylduherbergi, sem ætlað er að höfða til hins hagsýna ferðamanns sem ferðast um á bílaleigubíl. -
Hveragerðisbær fékk nýjar skrifstofur
Bæjarskrifstofa Hveragerðisbæjar flutti á haustmánuðum í algjörlega endurnýjað skrifstofuhúsnæði við Breiðumörk 20. Skrifstofurnar voru áður í verslunarmiðstöðinni við Sunnumörk, sem einnig er í eigu Reita, en þar skapaðist aukið rými fyrir Almar bakara til að opna kaffihús í kjölfarið. -
Hugmyndasamkeppni um skipulag Kringlusvæðisins
Kanon arkitektar voru hlutskarpastir með tillögu sem þykir sýna einfalda reitaskiptingu sem fellur vel að hefðbundnu byggðamynstri borgarinnar og skapar sterka heild. Borgarlínustöð er staðsett við Kringlumýrarbraut og getur þá bæði þjónað Kringlusvæðinu og Menntaskólanum við Hamrahlíð. Húsareitir eru ferningslaga með rúmgóðum, opnum inngörðum. Gert er ráð fyrir allstóru almenningsrými á miðju svæðisins. -
Reitir kaupa atvinnusvæði á Blikastöðum
Áætlað er að byggingarmagn á þessu u.þ.b. 15 ha. svæði verði um 75 til 110 þúsund fermetrar á næstu 8-12 árum. Kaupin skapa tækifæri til frekari fjárfestinga fyrir Reiti og opna á tækifæri til að bjóða upp á fleiri valkosti til að uppfylla húsnæðisþarfir núverandi og nýrra viðskiptavina en áður hefur verið. -
Hugmyndasamkeppni um byggð við Laugaveg 168 til 176
Yrki arkitektar báru sigur úr býtum í keppninni sem haldin var af Reitum ásamt Reykjavíkurborg, AÍ og Heklu. Vinningstillagan þykir sýna byggð með látlaust yfirbragð, þar sem fíngerð randbyggð fellur vel að því byggðamynstri sem fyrir er. Tillagan býður upp á mikinn sveigjanleika til frekari þróunar í sterku heildarsamhengi. -
Klettháls 3 bætist í eignasafnið
Á haustmánuðum festu Reitir kaup á um 1.700 fermetra atvinnuhúsnæði að Kletthálsi 3, en leigutaki þar er Arctic Trucks. -
30 ára afmæli fagnað
Reitir fögnuðu 30 ára afmæli á haustmánuðum 2017. Reitir rekja upphaf sitt til byggingar Kringlunnar árið 1987 og hefur saga Reita og Kringlunnar verið samofin síðan. Helgina 19. til 22. október fagnaði Kringlan afmælinu með glæsilegum afmælistilboðum, skemmtiatriðum og veitingum fyrir gesti. -
TOYS R US, Nespresso og Selected á meðal nýrra verslana í suðurenda Kringlunnar
Með breytingum á fyrstu hæð Kringlunnar urðu til tvö ný verslunarrými þar sem 17 sortir og Kúnígúnd hafa tekið til starfa. G-Star RAW opnaði verslun í suðurenda og Dressmann var opnuð á ný eftir algjöra endurnýjun verslunarinnar. -
Café París endurnýjað
Á vormánuðum var Café París opnað á ný eftir viðamiklar endurbætur á þessu húsnæði sem hefur hýst kaffihús síðan 1992. -
Ný H&M, Hagkaup og Next í stórbættum norðurenda Kringlunnar
Endurbætur á verslunarrýmum í norðurenda Kringlunnar eru á meðal umfangsmestu framkvæmda sem unnar hafa verið innanhúss í Kringlunni frá byggingu hennar árið 1987. Uppgerða verslunarrýmið er rúmlega 7.000 fermetrar að stærð. Útisvæðið og báðir inngangar norðanmegin voru endurbættir sem og þjónustuborðið.
