Ársskýrsla 2016
Reitir fasteignafélag er stærsta fasteignafélag landsins í útleigu atvinnuhúsnæðis. Á meðal viðskiptavina Reita eru mörg stærstu fyrirtæki landsins auk opinberra stofnana. Eignasafn Reita efldist og stækkaði um tæplega 10% í fermetrum talið á árinu 2016. Rekstrarhagnaður Reita nam 6.925 millj. kr. og hagnaður nam 2.417 millj. kr. Félagið ráðgerir áframhaldandi fjárfestingu í eignasafninu á árinu 2017 auk þess sem þrjú stærri þróunarverkefni eru í farvegi.
|
Tekjur 10.035 millj. kr. |
Rekstrarhagnaður 6.925 millj. kr. |
Hagnaður 2.417 millj. kr. |
Fjárfestingareignir 125.719 millj. kr. |
Ávarp stjórnarformanns og forstjóra
Árið 2016 var fyrsta heila starfsár Reita eftir skráningu í Kauphöll Íslands, en þar var félagið skráð í apríl 2015. Reksturinn gekk vel og árið var viðburðaríkt. Á árinu gengu í gegn ein stærstu fasteignaviðskipti hér á landi þegar Reitir tóku yfir eignir af Stefni fyrir tæpa 17 milljarða króna. Þær eignir urðu hluti af eignasafni félagsins frá 1. apríl á síðasta ári. Þar fyrir utan var fjöldi nýrra leigusamninga gerður auk fjölmargra endurnýjana og viðauka.
Viðburðaríkt ár 2016
-
Auglýst var eftir rekstraraðila að hóteli í gamla sjónvarpshúsinu
Auglýst var eftir rekstraraðilum í tengslum við þróun hótels að Laugavegi 176 s.l. haust, og var mikill áhugi á meðal hótelrekstraraðila. Gert er ráð fyrir stækkun byggingarinnar og að hún verði um 6.700 fm. að stærð með um 120-160 herbergjum auk verslunar- og þjónusturýma á jarðhæð. Samningaviðræður standa yfir við alþjóðlegan rekstraraðila og stefnt er að undirritun leigusamnings í sumar ef forsendur ganga eftir. -
Reitir hlutu viðurkenningu sem Fyrirtæki mannúðar 2016
Reitir hlutu viðurkenningu sem Fyrirtæki mannúðar 2016, það var fjölskylduhjálp Íslands sem veitti Reitum viðurkenninguna, en Reitir hafa stutt samtökin með húsnæði í Iðufelli til okkurra ára. -
Vel heppnaðar breytingar á sögufrægu húsi
Í tengslum við opnun veitingahússins Matarkjallarans í Aðalstræti 2 var grafið frá kjallara þessa sögufræga húss en sagnir herma að á þessum stað hafi Ingólfur Arnarson dregið skip sín í naust og voru tóttir naustsins enn sýnilegar á 18. öld. -
Álftamýri 1-5 bættist í eignasafn Reita
Álftamýri 1-5 er um 2.240 fermetra hús sem hýsir heilsumiðstöðina Lífstein. -
Eignarhlutur Reita í Kringlunni jókst árið 2016
Á árinu 2016 keyptu Reitir rúmlega 1.000 fermetra í Kringlunni í þremur kaupum, um var að ræða tvö verslunarrými á 2. hæð auk tæplega 700 fermetra rýmis sem hýsir læknastofur og er á þriðju hæð í norðurenda. -
Reitir keyptu húsnæði Alda Hotel Reykjavik
Alda Hotel Reykjavik er skemmtilega hannað hótel í endurnýjuðu 4.085 fm. húsnæði að Laugavegi 66-70. Afhending hótelsins fór fram í janúar 2017. -
Reitir kaupa listaverk til styrktar Bleiku slaufunni
Kaupmenn og viðskiptavinir Kringlunnar söfnuðu rúmum fjórum milljónum á góðgerðardegi Kringlunnar „Af öllu hjarta“ sem tileinkaður var Bleiku slaufunni. Auk upphæðarinnar sem safnaðist hjá verslunum málaði listamaðurinn Tolli málverk með leikskólabörnum sem Reitir keyptu og rann allur ágóði til málefnisins. -
Fiskistofa leigir á Borgum á Akureyri
Fiskistofa flutti starfsemi norður á Akureyri og leigði um 715 fm. á þriðju hæð að "Borgum" á Norðurslóð 4. -
Hard Rock Cafe rýkur upp í Lækjargötunni
Í október buðu Reitir Hard Rock Cafe velkomið til starfa í klæðskerasniðnu þriggja hæða húsnæði að Lækjargötu 2a.
Eignasafn í þróun í 30 ár
