Um félagið

Stærsta þjónustufyrirtækið á sviði útleigu á atvinnuhúsnæði

Fasteignafélagið Reitir er stærsta þjónustufyrirtækið á sviði útleigu á atvinnuhúsnæði á Íslandi. Reitir hafa yfir að ráða fjölbreyttu fasteignasafni sem samanstendur af um 130 fasteignum sem staðsettar eru víðsvegar um landið. Innan fasteignsafnsins má finna til leigu skrifstofuhúsnæði, verslunarhúsnæði ogiðnaðarhúsnæði.  Fjölbreytt úrval fasteigna gerir okkur kleift að bjóða upp á margar lausnir fyrir viðskiptavini hvað varðar staðsetningu, tegund húsnæðis og stærð.

Innan fasteignasafns Reita má finna verslunarhúsnæði í helstu verslunarmiðstöðvum landsins, fjölbreytt skrifstofuhúsnæði og margskonar lager- og iðnaðarhúsnæði. Meðal þekktra fasteigna má nefna Kringluna, Hótel Hilton, Kauphallarhúsið, Holtagarða og nokkrar af perlum íslenskrar byggingarsögu sem staðsettar eru í miðbæ Reykjavíkur.

Starfsfólk Reita býr yfir mikilli reynslu og þekkingu þegar kemur að vali á atvinnuhúsnæði, umsjón með endurbótum og samningagerð á þjónustu í kringum rekstur fasteigna. Við viljum taka þátt í því með viðskiptavininum að aðlaga húsnæði að þeirra þörfum. Við bjóðum upp á ráðgjöf hvað varðar endurbætur eða breytingar á húsnæði. Þekking og reynsla okkar á þessu sviði hefur skilað miklum árangri fyrir viðskiptavini okkar.

Við þjónustum stór og smá fyrirtæki sem og einstaklinga. Meðal helstu leigutaka okkar eru Reykjavíkurborg, Hagar, Fasteignir Ríkisins, Landsbankinn, Íslandsbanki, Icelandair hotels, Actavis og NTC.